На денешниот меѓународен турнир Охрид Опен, кој се одржа во спортската сала „Билјанини Извори“ во Охрид во организација на Карате клубот COLE I KUN - SU - TO, учествуваа околу 450 натпреварувачи од Македонија, Албанија, Косово, Црна Гора и Грција.

Меѓу бројните клубови кои ги покажаа своите вештини, се истакна и Карате клуб Ерол од Лабуништа, кој се враќа дома со два вредни медали. Во категорија Јуниори +76 кг, Анел Зенделоски го освои златниот медал и првото место, додека Алдин Бајрамоски го освои третото место и бронзениот медал во категорија Кадети +57 кг.

Овие достигнувања се доказ за посветената работа и талентот што го негува клубот, предводен од несебичниот карате учител Ерол Зенделоски, кој и покрај отсуството на спонзорства, постојано донесува гордост, успеси и медали за Лабуништа.

Честитки до сите натпреварувачи и огромна благодарност до менторот Ерол, кој е вистински пример за тоа што значи посветеност, упорност и љубов кон спортот!