Возниот парк на ЈКП „Хигиена“ ќе биде збогатен со уште едно возило за собирање смет, благодарение на донацијата од нашиот млад сограѓанин Махир Јускоски, кој живее и работи во Италија.

Станува збор за значајна донација која ќе придонесе за подобрување на услугите на претпријатието и поефикасно одржување на хигиената во населеното место. Овој хуман и општествено одговорен гест претставува уште еден доказ дека нашите иселеници, иако далеку од татковината, продолжуваат да придонесуваат за развојот и подобрувањето на условите во своето родно место.

Граѓаните го поздравија овој потег, истакнувајќи дека ваквите примери треба да бидат поттик и за останатите успешни луѓе од дијаспората да помогнат таму каде што е најпотребно.

Од ЈКП „Хигиена“ изразија голема благодарност до Махир Јускоски за вредната донација како и до Фламур Фејзулоски за обезбедениот транспорт и посакаа нивниот пример да биде инспирација за многу идни хумани иницијативи.