Со Аллахова помош и голема леснотија, денес се бетонираше темелната плоча на доградбата на Џамијата на Мехмед Али Паша. Овој чин претставува важен чекор во продолжувањето на изградбата и разубавувањето на постоечката џамија.

Бетонирањето започна во раните утрински часови и траеше сè до комплетното завршување на работата. Со добра организација и меѓусебна поддршка, работата помина успешно и без пречки.

Голема благодарност упатуваме до сите жители кои се вклучија во овој благороден процес – до жителите кои го ослободија патот и овозможија непречено движење на бетонарните, до гостите кои присуствуваа и дадоа своја поддршка, како и до сите кои со својата помош и придонес ја олеснија оваа работа.

Овој настан уште еднаш покажа дека кога сме обединети околу едно добро дело, резултатите доаѓаат со леснотија и берикет. Нека Аллах ги награди сите учесници и дарители со најдобро и нека ни подари сила и трпение да го довршиме овој проект до крај.