Поради тековните градежни работи на патот од Человци до мостот за Мустофци, ве информираѓе дека овој дел од патот привремено нема да биде прооден за сообраќај.

Од надлежните служби апелираат до жителите и возачите да покажат трпение и разбирање во овој период, како и да користат алтернативни патишта за непречено движење.

Исто така, граѓаните се замолуваат да не паркираат возила на патот што води од „автобуска“, нагоре со цел истиот да остане чист и слободен за минување на тешката механизација. Ова е неопходно за непречено извршување на градежните работи и за безбедно движење по теренот.

„Со соработката и разбирањето на жителите, проектот ќе се реализира навремено, ефикасно и според највисоки стандарди на квалитет,“ стои во соопштението.

Жителите се повикуваат да ја почитуваат оваа мерка и да придонесат кон успешна реализација на инфраструктурниот проект кој има за цел подобрување на локалната патна мрежа.