Во Лабуништа продолжува градежниот бум кој во последниот период е сè поочигледен.

Првата локација е патниот правец од раскрсницата што води кон населбата Человци и кон Лабунишките бачила. Овој пат е значаен бидејќи претставува пристап до планинските предели и до бачила што традиционално ги користат жителите. Асфалтирањето ќе го олесни движењето на возилата и ќе овозможи побезбеден и побрз транспорт.

Втората локација е улицата што се наоѓа над училиштето. Таа е често користена од ученици и жители, а досега поради лошата патна инфраструктура создаваше проблеми при движењето, особено во зимски и дождливи периоди. Новиот асфалт ќе придонесе за подобри услови и за зголемена безбедност.

Со овие активности продолжува процесот на модернизација на локалната патна мрежа во Лабуништа. Очекувањата се дека градежните зафати ќе донесат директна корист за жителите, ќе го олеснат секојдневието и ќе придонесат за понатамошен развој на селото.