Алдина Муслиоска од Лабуништа, која живее во Малме, Шведска, го освои второто место на државно ниво на дебатниот натпревар на тема „Како да се подобрат условите за живот за луѓето во светот“.

Пред да стигне до државното финале во Стокхолм, Алдина блесна на градскиот натпревар во Малме, каде ги победи сите учесници и заслужено обезбеди пласман меѓу најдобрите во државата. Во силна конкуренција, таа го освои високото второ место, заостанувајќи само неколку поени зад првопласираната натпреварувачка.

Овој успех е доказ за нејзината интелигенција, трудољубивост, самодоверба и одлични говорнички способности. Алдина е прекрасен пример за тоа како младите од Лабуништа со своето знаење и посветеност можат да постигнуваат врвни резултати каде и да се наоѓаат.

Нашите деца секојдневно докажуваат дека Лабуништа има талентирани, вредни и амбициозни млади луѓе кои достојно го претставуваат своето родно место низ светот.

Честитки до Алдина за овој голем успех! Ѝ посакуваме уште многу победи, успеси и достигнувања во иднина.