Жители на Лабуништа алармираат дека на патот кон Лабунишки Бачила, на потегот помеѓу Мечкин Камен и Леништа, се појавиле околу 15 грмушки од отровната билка црна кучешка гроздова (Solanum nigrum), позната меѓу народот како многу опасна и отровна.

Билката има црни сјајни плодови кои на прв поглед можат да личат на шумско овошје, но содржат токсични материи што можат сериозно да го загрозат здравјето на човекот. Особено опасноста е голема за деца, кои може да бидат привлечени од изгледот на плодовите.

👉 Ги предупредуваме сите граѓани, особено планинарите и сточарите кои минуваат по оваа патека, да внимаваат и никако да не ги консумираат овие плодови.

🚫 Консумирањето може да предизвика труење со симптоми како гадење, повраќање, вртоглавица, халуцинации, а во потешки случаи и сериозни здравствени последици.

‼️ Апел до надлежните институции: да се преземат мерки за расчистување и отстранување на овие опасни грмушки со цел да се заштити населението.